'I can buy you, your friends and this club' : Phoemela retorts, 'Not True!'

Ilang minuto lang ang nakalipas nang sumabog ang balitang nanigaw at nanampal si Anne Curtis sa isang high-end bar ay pinagpiyestahan ng bashers at defenders ang issue. Nagkaroon ng samut-saring opinion at parody sa internet.

Napaka-creative ng mga gumawa. Alam naman natin ang sense of humor ng mga Pinoy--laging iniuugnay ang mga pangyayari sa usaping pulitika o ekonomiya. Tulad na lang ng kumalat na dahil sa kalasingan ay sinabihan diumano ni Anne si Phoemela Baranda ng, "I can buy you, your friends and this club!"

Parehong talent ng ABS-CBN sina Anne at Phoem, kaya nagsalita na rin ang model-TV host sa nangyari, pero klinaro na ang pagkakasangkot niya lang ang puwede niyang bigyan ng linaw at pahayag.

"She wasn't angry at me, she didn't call me names. Walang ganung pangyayari," sabi ni Phoem, ayon sa report ng ABS-CBNnews.com.

"She said something to me, but [it was] because galit na siya sa ibang individuals dun. And naintindihan ko na sometimes pag galit ka na, you know, kahit kaibigan mo na yung kaharap mo, nasasabi mo yung galit mo dun sa kaibigan. And I totally understand that."

Dagdag pa niya, "Wala kaming away ni Anne. Hindi kami yung magkaaway that time. Walang galit si Anne sa akin that time."

Tungkol sa ibang taong involved sa issue (tulad nina John Lloyd Cruz, JR Isaac at kasama nitong si Leah De Guzman, sabi pa ni Phoem na, "I'm not in the position to make kuwento or say kung ano ang nangyari dun sa may banyo because I was in the other side of the VIP area. Kung anuman ang nangyari, I can only say kung ano ang nangyari sa amin ni Anne."

Sa pinagpipistahang pronouncement ni Anne na, "I can buy you, your friends and this club," sabi ni Phoem na baka nagsanga-sanga yung pagkuwento niya tungkol sa insidente sa mga kaibigan.

"Siguro yung mga kaibigan ko na nasabihan ko na, 'Anne said something to me,' yung nasabihan ko, sinabi sa iba. Lahat na ng tao may iba't-ibang version na napakalayo na sa sinabi ni Anne."

Nag-apologize na rin daw si Anne at dapat mag-move on na ang lahat.

 "She already apologized to me the following day or the same morning for whatever she said or have done that night. Lahat na ng tao may kanya-kanya nang version ng napakaliit na sinabi ni Anne. Sobrang wala na. And a few hours after, Anne apologized. I've moved on, and I hope the people move on na rin."

Sa Facebook ay nagpaabot naman si Anne ng pasasalamat kay Phoem.

"Thank you for clearing that @phoemelabaranda. Really appreciate it. Thank you...." post ni Anne sa Facebook around 9 p.m. Wednesday, December 4, 2013.